«Уақыт кетті»: Зеленский Путинге талап қойды

Украина президенті Владимир Зеленский британдық The Guardian газетіне берген эксклюзивті сұхбатында Мәскеуге Донбасс мәселесін шешудің мерзімін қойды.

Егер бір жыл ішінде айтарлықтай ілгерілеушілік болмаса, Зеленский Донбастағы қақтығысты шешу үшін Ресеймен арадағы келіссөздерді бұзамыз деп қорқытты.

«Уақыт өтіп жатыр. Үкімет бұл келісімдерге бір жыл жұмсай алады. Одан ұзақ мүмкін емес. Егер ол ұзаққа созылса, форматты өзгертіп, басқа стратегияны таңдау керек», - деді президент.

«Мен украиндықтардың Минск келісімдері бойынша жұмыс істеуге берген бес жылын өткізбеймін, мен олай жасамаймын», - деп атап өтті Зеленский.

Осы сөздерден кейін The Guardian «Зеленскийдің талабы Трамп стилінде айтылды» деп жазды.

Украина президенті Минск келісімдерін қайта жазғысы келетінін жасырмады. Оның айтуынша, Путин Минскідегі ымыраға қатысты ұсыныстардан бірнеше рет бас тартқан.

«Минск келісімінде өзгертетін бірнеше пункт бар, егер біз оларды аздап ауыстырсақ, онда бұл қандай жамандық әкелуі мүмкін? Қару-жарағы бар адамдар жоқ болса,  атыс тоқтатылады. Бұл өте маңызды», - деді Зеленский.

Әңгіменің соңына қарай Зеленский Ресейді «тоталитарлық режим» деп атады және Путиннің ауысуын болжады.

«Әрине, ол жерде жаңа президент пайда болады. Әрине, бұл болады. Ол қандай президент болатынын білмеймін. Бірақ біз тоталитарлық режимдердің бәрі бірдей аяқталғанын көреміз», - деді Зеленский.