Алматының жартысындай айсберг Антарктикадан ажырап кетті

Спутник Антарктикадағы Пайн аралында мұздықтың ауданы 300 шаршы шақырымнан асатын алып айсбергтің қалай жарылғанын суретке түсірді (Алматының аумағы - 682 шаршы шақырым).

Еуропалық ғарыш агенттігі Жердегі климаттың өзгеруіне байланысты ірі қалалар мен кішігірім мемлекеттердің көлеміндей болатын айсбергтер материктен алыстап бара жатқанын айтады. Айтуынша, үлкен айсберг жарылғаннан кейін, одан да кішкене бөліктерге бөліне бастаған.

Мұзды зерттеумен айналысқан ғалым, Адриан Лукман үш жыл ішінде мұздың үлкен бөліктері сынып, мұхитқа қалай түскені туралы анимация жасап шығарған.