Иран студенттері митингіге шықты

Бірқатар баспасөз құралдарының мәліметінше, жергілікті полиция баскөтергендерге жас шығаратын газ қолданған, сондай-ақ жастар арасында қаза тапқандар бар деседі. 

Иран астанасындағы ірі алаңда студенттер биліктің режиміне наразылыұ білдіріп, митингіге шықты. Жастар өздерінің соңғы жағдайларға, әсіресе украиналық ұшақтың құлауына өкпелі екендерін жеткізіп, өзгеріс талап етті. 

Тегерандағы Шахид Бехешти университетінің студенттері митинг барысында АҚШ-тың, Израильдің туын ұстап, өздері америкалықтарды жау тұтпайтынын, нағыз жауы деп ирандық режимді есептейтіндерін жеткізді.

Жастардың бірқатары әлі де өз қарсылықтарын танытуда. Олар қаза тапқан герерал суреті ілінген палкаттарды жыртып, режимді өзгертуді талап етуде. 

Еске сала кетейік, «Аль-Кудс» арнайы бөлімін басқаратын генерал Касем Сулейманиді соңғы сапарға аттандыруға келгендер арасынан 50 адам қаза тапқан. Себеп – адам нөпірінің көптігі, қысым.