COVID-19 пандемиясының аяқталатын уақыты белгілі болды
Даниялық Saxo Bank COVID-19 пандемиясы қашан аяқталатынын болжады. Банктің инвестициялық директоры Стин Якобсен өз пікірімен бөлісті.
Қаржы сарапшысының айтуынша, коронавирус пандемиясы 2021 жылдың екінші тоқсанында аяқталады. Ол сондай-ақ әлемдік экономика бір жыл ішінде қалыпты жағдайға келеді деп санайды.
Сарапшы Азия экономикасы басқалармен салыстырғанда тезірек қалпына келетінін айтты.
«Қытай экономикасы бірінші тоқсанда ЖІӨ-нің өсу қарқынын 10 пайызға жақындатады», - деп болжады ол.
Saxo Bank өкілі бұл ғылымдағы жетістік арқасында болатынын баса айтты.
«COVID-19 пандемиясы басталғаннан кейін тоғыз айдан кейін вакциналар өндірісі басталады деп ешкім болжай алмаған болар еді. Әдетте бұл екі-үш жыл уақытты алады. Бұл ғылымның жеңісі.
Әрине, вирус мутацияға ұшырауы мүмкін, бірақ егер ғылым вирусты жеңсе, онда ол оның түрлерімен күресуге қауқарлы. Ғылым жаңа нәрсе ойлап табу үшін адамның қабілеттеріне сену керек екенін дәлелдеді», - деп аяқтады ол.