Майк Тайсон — Рой Джонс: Жеңімпаз белгілі болды

Бүгін аты аңызға айналған америкалық бокс ардагерлері ауыр салмақтағы бұрынғы абсолют әлем чемпионы Майк Тайсон мен төрт салмақтағы бұрынғы әлем чемпионы кіші Рой Джонс арасында жекпе-жек өтті.

Лос-Анджелестегі (АҚШ) Staples Center аренасында болған кездесу сегіз раундқа созылды.
 "Аңыздар шайқасы" деп аталған шоуда WBC арнайы белбеуін ешкім алған жоқ. Айта кетейік, бұған дейін нокаут болмаса, жекпе-жек жеңімпазы анықталмайтыны хабарланған.

Еске салайық, Калифорнияның Атлетикалық комиссиясы боксшылар көп ақша жинауы үшін бұрын-соңды болмаған қадамдарға барды: ардагерлерге шлемсіз жұдырықтасуға, тіпті жеңімпазды анықтауға рұқсат берді, арнайы титул да тігілді.Майк Тайсон мен Рой Джонс арасындағы жекпе-жек төрешілердің қатысуымен толыққанды сегіз раундтық форматта өтетіні хабарланды. 54 жастағы Тайсон соңғы рет 2005 жылы рингке шыққан. Ол карьерасында 58 жекпе-жек өткізіп, оның 50-ін жеңіспен, 44-ін нокаутпен аяқтаған. Сондай-ақ, ол алты жеңіліс тауып, екі жекпе-жек сәтсіз деп танылған.