Кері қайту
Басып шығару
АҚШ-та коронавирустың екінші толқыны басталуы мүмкін
АҚШ-тың ауруларды бақылау және алдын алу орталығының басшысы Роберт Редфилд қыста коронавирус эпидемиясының екінші толқыны басталып, жағдай қазіргіден анағұрлым ауыр болуы мүмкін екенін айтады. Орталық басшысының пікірі Washington Post басылымында жарияланған.
«Қыс кезінде коронавирус біздің елімізге екінші мәрте шабуылдауы ықтимал. Ол кезде тұмау эпидемиясы мен коронавирус қатар келеді. Жағдай қиын болатын сияқты», - деді ол.
Оның айтуынша, тұмау мен коронавирус эпидемиясының қатар келуі елдің денсаулық сақтау саласына ауыр сынақ болмақ.
АҚШ-та коронавирус жұқтырғандар саны 810 561 адамға жетті, қаза тапқан адамдар саны – 43 630.