Коронавирус: АҚШ билігі халыққа ақша үлестірмек. Қанша?

Америка Құрама Штаттарының билігі коронавирус індеті қарсаңында барша ересек азаматтарға 1000 доллар көлемінде қаражат бермек. 

Сондай-ақ, әрбір балаға 500 доллар бұйырады. Мұндай шешімді Дональд Трамптың әкімшілігі қабылдаған. Мақсаты – эпидемия кезінде АҚШ экономикасына қолдау көрсету. Жалпы сомасы 500 миллиард доллар беру қарастырылыпты. 

Айта кетерлігі – егер дағдарыс үш аптадан соң ауыздықталмаса, азаматтар тағы да осындай көлемде жәрдемақы алады. 

АҚШ-та осы сағатта 10 767 адам коронавирус жұқтырып, 160 адам қаза тапқан.