Кадыров: Кел, Помпео, сөйлесейік!

  • 24 июл, 09:39
  • Көрілім: 537

Шешенстан басшысы Рамзан Кадыров АҚШ мемлекеттік хатшысы Майк Помпеоға қарсы елде бар барлық санкцияны жариялайтынын мәлімдеді. 
Апта басында АҚШ-тың Мемлекеттік департаменті Шешенстан басшысын қара тізімге қосып, мемлекет аумағына кіруге тыйым салды. Вашингтон тарапы бұл санкцияның себебін адам құқығын бұзу және заңнан тыс жазалау деп түсіндірді. Кадыровтан бөлек, Америка жеріне оның әйелі мен қыздары да кіре алмайды. 
Кадыров өзіне қарсы жарияланған санкциялардан кейін Помпеоға үндеу жариялап, Беной ауылына шақырды. 
«Кел, Помпео, сөйлесейік. Мұнда бәрі әдемі, кімнің заң бұзғанын бірге талқылайық», - деді ол. 
Дегенмен, Кадыров кешегі сөзінде барлық шақыртуларының күшін жойып, қарсы санкция жариялады. 
«Болды, шақыртудың күшін жойып, республикада бар барлық санкцияларды жариялаймын (Помпеоға). Тіпті, оның біздің елдегі шоттарын да бұғаттауға бұйрық беремін. Олар да маған осыны істеді», - деді ол. 
Кадыров саясатқа қатысы жоқ әйелі мен әкесі үшін жауап беруге міндетті саналмайтын қыздарына мұндай санкция жарияланғанына таң қалғанын жасырмады. 
Сондай-ақ оқыңыз

Пікір қалдыру