Қырғызстан Қазақстанның үстінен шағым түсірді

  • 14 фев, 09:45
  • Көрілім: 1 072


Қырғызстан үкіметі Бүкіләлемдік сауда ұйымының мүшелеріне Қазақстан тарапының халықаралық сауда ережелерін бұзғаны туралы шағымданды. 

«11-ақпан күні Қырғызстанның Экономика министрінің орынбасары Эльдар Алишеров пен Экономика министрлігінің БСҰ бойынша мәселелер комитетінің жетекшісі Нурбек Максутов Женевада өткен Бүкіләлемдік сауда ұйымының сауда байланысын жеңілдету комитеті өткізген жиынға қатысты. Сол жиынды қырғыз ағайындар Қазақстан тарапы жүк көліктерін шамадан тыс тексеріп, шекарадан өту мәселесін қиындатып жатқаны туралы мәлімдеді», - делінген экономика министрлігінде. 

2019 жылдың наурыз айынан басталған тексерістер Қырғызстанның сауда айналымына әсер етіп отқан көрінеді-мыс. 

«Жағдайды дұрыс шешу үшін Қырғызстан үкіметі Қазақстанды бейбітшілікке шақырған. Сондай-ақ, Қазақстан тарапына Бүкіләлемдік сауда ұйымының талаптарына сай жұмыс істеу ескертілді», - дейді айыр қалпақты шенеуніктер. 

Бұрынырақ Қырғызстан Қазақстанның шекарада жүк көліктерін ұзақ тексеретінін айтып, дау көтерген. Ол кезде көршілер ЕЭО-тың талаптарын орындауды мүдде тұтамыз деген-ді. 

Сондай-ақ оқыңыз

Пікір қалдыру