Тағам шығынының рейтингі: Гондурастан қалып, Камерунмен үзеңгілесіппіз


АҚШ-тың Ауылшаруашылық министрлігі үй шаруасы мен тағам шығынының мониторингін жасап, аталмыш рейтингте қамтылған 104 елдің ішінен Қазақстан 96-орынға жайғасты. Рас! Біз он «үздік» аутсайдерлер қатарындамыз. 

Елдегі жалпы тұтынушылық шығындардың 44,9 пайызы тағам шығыны болып есептеліпті. 

Жоғарыда аталған рейтингте Қазақстан Африкан елдері – Уганда (44,2) және Камерунның (45,3) арасында орналасқан. Біздің алдымызда кедейлігіне таңдай қағысып, бас шайқай аяйтын Камбоджа, Гана, Гватемала, пәкістан, Вьетнам, Гондурас сияқты мемлекеттер бар. 

Айта кету керек, мемлекет қаншалықты дамыған әрі бай болса, тағам шығынына кететін сумма азая түспек. Рейтипнг көшін АҚШ, Сингапур, Ұлыбритания, Ирландия, Канада, Швейцария, Австралия, Австрия сияқты мемлекеттер бастап, үздік ондыққа Гермения (10,7) және Нидерланды (11,4) кірді. 

Рейтингде көрші Ресейдің де жайы мәз емес. Ресей (28) және Беларусь (32,2) көрсеткішімен орта дәрежеде келе жатыр. 

Бұл рейтинг Қазақстан халқының тапқан табысы тамағынан артылмайды деген сөзді нақты айғақтап берді. Осыдан кейін ақша жинап, пәтер алудың, көлік алудың қамын жасап көр...

Сондай-ақ оқыңыз

Пікір қалдыру

Тек тіркелген пайдаланушылар пікір жаза алады.
Тіркеуден өтіңіз немесе кіріңіз