Барша түркі халықтарының картасы: Түркі әлемі қайда бет алды?

Картаны Ердоғанға Ұлттық қозғалыс партиясының жетекшісі берді. Онда Ресейдің бірқатар облыстары, соның ішінде Сібір сары және қызғылт сары түстермен белгіленген.

Анкара бұл карта бойынша ешқандай түсініктеме берген жоқ.

RBK ақпараты бойынша, «Ұлттық қозғалыс» партиясының жетекшісі Девлет Бахчели Түркия президенті Режеп Тайып Ердоғанға Ресей аумағының, соның ішінде Сібірдің едәуір бөлігін қамтитын «Түркі әлемінің» картасын сыйға тартты. Бахчели картаны Ердоғанға тапсырған фотосурет партияның Twitter-дегі парақшасында жариялады.

Картада Түркия, Әзірбайжан, Түркіменстан, Өзбекстан, Қазақстан, Қырғызстан және Тәжікстан қызыл түспен белгіленген.
Сонымен қатар, қызғылт сары түс Балқан түбегінің кейбір елдері, Иранның бір бөлігін, Ресейдің оңтүстік аймақтарын, сондай-ақ Сібірдің көп бөлігін және Моңғолияның батыс бөлігін білдіреді.

Сары түспен Қытайдың Алтай, Якутия және Шыңжаң-Ұйғыр автономиялық ауданы белгіленген. Жарияланған фотосуреттің қолтаңбасында бұл түстер нені білдіретіні көрсетілмеген.

Cumhuriyet хабарлағандай, Бахчели мен Ердоған президенттік сарайда кездесті. Олардың кездесуі 45 минутқа созылды. Келіссөздер қорытындысы бойынша ешқандай мәлімдеме жасалған жоқ. Кездесуден кейін Бахчели сарайдан кетіп, өз партиясының штабына бет алды.
12 қарашада Ыстамбұлда Түркітілдес мемлекеттер ынтымақтастығы кеңесінің (Түркі кеңесі) саммиті өтіп, өз атауын түркі мемлекеттері ұйымына өзгерту туралы шешім қабылдады. Бұдан басқа, түркі әлемінің 2040 жылға дейінгі кезеңге арналған тұжырымдамасы бекітілді.

Ұйым құрамына Әзербайжан, Қазақстан, Қырғызстан, Түркия және Өзбекстан кіреді. Бақылаушы ретінде Түрікменстан мен Венгрия қатысады.

Басып шығару