Алматыдағы карантинге жатқызылғандардың саны белгілі болды

16 наурыз күні сағат 12-де қалалық әкімдікте коронавирусқа байланысты Алматыдағы санитарлық-эпидемиологиялық жағдай белгілі болды.

Коронавирустың таралуына қарсы іс-қимыл жөніндегі аймақтық штабтың хабарлауынша, 16 наурызда Алматыда коронавирустық инфекцияның 7  жағдайы тіркелген.

Жалпы, қазіргі уақытта Алматыда 676 адам карантинде жатыр.

Алматы әкімдігі барлық азаматтарды, әсіресе үй карантинінде жатқандарды  жағдайға байланысты өз денсаулығына және басқалардың денсаулығына жауапкершілікпен қарауға және санитарлық-гигиеналық ережелерді қатаң сақтауға шақырды.