«87 510 теңге»: Алматыда фотосессия жасаған еврейлерге айыппұл салынды

Алматыда еврейлер карантиндік шектеулер кезінде жаппай фотосессия ұйымдастырған.

Бір күн бұрын әлеуметтік желілерде 100-ге жуық адамның Rixos Almaty қонақ үйінің алдында тұрып, суретке түсіп жатқан бейнежазбасы тарады. Әлеуметтік желіні қолданушылар бұл видеодағы еврей қауымдастығының өкілдері екенін және карантиндік режимді бұзғанын айтып, ашуланды.

«Неге олар үшін карантин жоқ?» – деп сұрады видео авторы.

Кейін дәрігерлер бұл жағдайға қатысты түсініктеме берді. Олардың айтуынша, әлеуметтік желілердегі бейнежазбадан кейін тексеру жүргізілген.

Нәтижесінде шараны ұйымдастырушыларға 30 АЕК мөлшерінде, яғни 87 510 теңге айыппұл салынды. Қонақүй басшылығының бұл кездесуге еш қатысы жоқ екендігі, сондықтан жазаланбайтыны айтылды.