Жамбыл облысында жоғалып кеткен 23 жастағы бойжеткеннің мәйіті табылды
Жамбыл облысында жоғалып кеткен 23 жастағы қыздың мәйіті табылды. Ақпаратты өңірдің полиция департаменті растады.
«2021 жылдың 14 ақпанында Шу аудандық полиция бөліміне Төле би ауылының тұрғыны 23 жастағы қызының жоғалғаны туралы арызданған. Жамбыл облысы ПД қызметкерлері жедел-іздестіру іс-шараларын бастады. Аталған факті бойынша қылмыстық кодекстің 99-бабы "Адам өлтіру" бойынша сотқа дейінгі тергеу басталды», - деді Жамбыл облыстық полиция департаментінің басшысы Жанат Сүлейменов.
Күдікті тергеу изоляторына қамалды.
«Алдын ала тергеу барысында күдіктінің жәбірленушіге пышақ жарақатын салып, кейін қылмысты жасыру мақсатында денесін Ақсу өзеніне тастағаны анықталды.
Қылмыстық іс бойынша сот сараптамалары тағайындалды және қажетті тергеу әрекеттері жүргізілуде»,-деді полиция генерал-майоры.