Өзбекстанда қуаңшылықтан мал қырылып жатыр
Бұхара облысы Пешкун ауданындағы ауылдарда қуаңшылықтан мал қырылып жатыр. Бұл туралы Орталық Азияның жаңалықтар қызметі хабарлады. Жергілікті шопандардың айтуынша, малға беретін жем жоқ.
«Біздің аймақ жазық. Малды негізінен өрісте қоректендіреміз. Бірақ далада шөп жоқ. Малдар аштықтан ұсақ тас жеп жатыр. Осыдан олар өліп жатыр. Мен бір айда 12 қой жоғалттым. Көрші ауылда да осындай жағдай», - дейді шопанның бірі.
Пешкун ауданының мал шаруашылығын дамыту бөлімінің басшысы Завхиддин Курбанов шаруа қожалықтары қысқа дейін малға жем жианмағанын айтады.
Бұхара облысындағы Пешкун ауданы мал шаруашылығымен айналысады. Завхиддин Курбановтың қазір ауданда 100 мың ірі қара мал, 220 мыңнан астам қой мен қозы бар екенін айтты. Фермер Нормурад Рузикулов ет бағасы қымбаттайтынын айтты. Бұған себеп – малдың қуаңшылықтан қырылуы.