Кері қайту Басып шығару

Павлодарда өлке тарихын баяндайтын кітап жарық көрді

ПАВЛОДАР. BAIRAQ.KZ - «Өмір жаңалықтары» атты кітапқа аштықтың азабын, соғыстың зардабын көрген ақын Қимадиден Нығымановтың өмірлік естеліктері енген, деп хабарлайды pavlodarnews.

- Кітапта автордың өз басындағы жағдайлар ғана емес, жалпы қазақ халқының өткерген қасіретті жылдарының оқиғалары қамтылады. Жаңа туындының редакторы, әрі құрастырушысы Бейбіт Бөженнің айтуынша, жинақ өлке тарихын зерттеушілер үшін құнды мәліметтерге толы. - Көбінде-көп біз Қимадиден Нығыманов туралы айтқанда оның газет беттерінде жазылған қысқаша өмірбаянмен шектелеміз, - дейді Бейбіт Бөжен. – Бірақ ағамыздың Арғыннан тарайтын Бәсентиін-Ақтілес руының түп тарихын таратқанын, оның ақындық талан екендігіне көз жеткізе бермейміз. Қимадиден Нығымановтың «Өмір жаңалықтарында» баяндалатын деректер ауылдастары Сауыт Ахметұлы, Иләл Жүсіпұлы секілді ақсақалдардан ауызынан жазып алған. Кітап 200 данамен шыққан. Айта кетейік, Қимадиден Нығыманов 1924 жылы 11 қаңтар күнi Павлодар облысы, Ақтоғай ауданы, Жаңабет ауылында дүниеге келген. Ұлы Отан соғысына қатысып, елге аман-есен оралғаннан кейін туған колхозында құрылыс-бригадиры, электро-монтер болып жұмыс істейді. Тың игеру басталған жылдары «Тыңдағы ту» поэмасын жазып, ақындығымен таныла бастады.