Кері қайту
Басып шығару
Түркістанда суға таласқан жұрт таяқтасты
Түркістан облыстық Полиция департаментінің баспасөз қызметі әлеуметтік желіде таяқпен қаруланған бірнеше адамның төбелесі бейнеленген бейнежазбаны түсіндіріп, мәлімдеме жасады.
Ведомствоның мәліметіне сүйенсек, 2020 жылдың 29-мамырында Жетісай ауданында ауыл тұрғындары суға таласып төбелесіп қалған. Оқиға орынына жедел жеткен полиция қызметкерлері жағдайды тұрақтандырып, жанжалдың шығу себебін анықтады.
«Аталған факт ҚР ҚК 293-бабы «Бұзақылық» бойынша тіркелген. Төбелестен кейін 12 адам дәрігер көмегіне жүгінген. Қазір аталған факті бойынша жарақат алғандарға сот-медицина сараптамасы тағайындалды», - деп мәлімдеді департамент баспасөз қызметі.
Жетісай аудандық аурухананасының мәліметіне сүйенсек, 5 адам қазір ем алып жатыр, қалғандары алғашқы медициналық көмек алған. Тергеу барысында төбелеске қатысы бар 2 азамат ұсталып, уақытша қамау изоляторына жеткізілген.