«Теңіз» мұнай-кен орынын коронавирус иектеп барады
Атырау облысындағы Қазақстандағы ірі өндіріс саналатын «Теңіз» мұнай өндіру орынында 71 қызметкердің инфекция жұқтырғаны анықталып отыр.
«Қазір коронавирус инфекциясын «Теңіз» қызметкерлерінің саны 71 адамға жетті, 12 науқас дертінен айықты. Науқастар 1,5 мың адаммен байланыста болған: 847 адаммен жақын байланысты болса, 718 адамның науқаспен қарым-қатынас жасағаны ықтимал», - деп хабарланды Атырау облыстық Төтенше жағдай жөніндегі Жедел әрекет ету штабы.
Теңіз кен орынынан қызметкерлерді алып шығу жұмысы 16-сәуірде басталды. Жалпы саны 17 мың қызметкерді алып шығу жоспарланып отыр. Оның ішінде 6000 адам Атырау облысының, 2000 адам Ақтөбе мен БҚО, 600 адам Маңғыстау облысының азаматтары. Қалған қызметкерлер Қазақстанның түрлі аймағынан.
Қазір 10 мыңнан астам қызметкерді үйіне жеткізген. Оның ішінде ұшақ арқылы 4 мың адамды, пойызбен 3 мың адамды, автобуспен 3 мың адамды тасымалдаған.
Қалған қызметкерледі үйіне қайтару жұмысы 5-мамырға дейін аяқталады деп уәде беріп отыр басшылық.