Шенеуніктер шаруа қожалығынан 37 миллион теңге жымқырған

Жауаптылар шаруа қожалығын сумен толық қаматамасыз етуге міндеттелген. 

Қостанай облыстық Ауыл шаруашылығы және жер қатынастары басқармасының қызметкерлері және Жітіқара, Жангелді аудандарының бас мамандары 37 миллион теңге көлеміндегі мемлекеттік субсидияны қалтаға басқан. 

Бұл туралы ҚР Сыбайлас жемқорлыққа қарсы күрес агенттігінің аппарат басшысы Қуаныш Жапақов айтты. 

Оның айтуынша, Қостанай облысындағы департамент 37 миллион теңгені жымқырды деген күдікке ілінгендерге қатысты тергеп-тексеру шараларын бастаған. Оларға шаруа қожалығына бөлінген ақшаға ешқандай жұмыс жасамай иемденіп алған деген айып тағылып отыр. 

2020 жылдың 26-наурызында Шахтинск ауданының әкімдігінің қызметкері  232 миллион теңге жымқырғаны үшін сотталған. Онымен бірге ұрлыққа сеп болып, 40 мың доллар пара бергені үшін екі кәсіпкер де құрықталды.