Алматы қаласының әкімі қала тұрғындарына үндеу жариялады

Бақытжан Сағынтаев алматылықтарға үндеу жариялады. Ол бірқатар мәселелер туралы айтты. 

«Біз вирустың таралмауы үшін қолдан келетін барлық шараларды жасаудамыз. Мемлекеттік комиссия шешімімен бүгін түннен бастап қозғалысты шектеледі», - деді әкім.

Алматы телеарнасынан тікелей эфирге шыққан әкім келесі мәселелерді жеткізді: 

- маңызды себептерсіз үйден шықпау; 

- туыстарға баруға, қонақ шақыруға тыйым салынады; 

- 65 жастан асқандар сыртқа шықпауы тиіс; 

- кәмелетке толмағандар ата-анасы болмаса жүрмеуі тиіс; 

- жағалаулар, саябақтар жабылады; 

- діни және дәстүрлі орындардағы жоралғылар жасалмайды; 

- бүгіннен бастап құқық қорғау, денсаулық сақтау органдары мен әкімдік және дәріхана, дүкендерден басқа барлық жұмыс орындары жабылады. 

«Қоғамдық көлік жұмыс жасай береді. Біз жеке гигиена мен оқшаулану шараларын сақтау арқылы коронавирусты жеңе аламыз. Алматылықтар, біз біргеміз!» - деді әкім.