АЗАТ ҰЛТТЫ көргің келсе, 

АЗАТ РУХТЫ көргің келсе, 

ТӘУЕЛСІЗДІКТІ танығың келсе 

желбіреген КӨКТУҒА қара;

алтын пырақты ГЕРБІМДІ көр.

Елімізде маусымның төрті Рәміздер күні. Күн астында қыран ұшқан Көктуға бір сәт көңіл аудар. 

Оның биіктеп, самалмен жазылып, желбіреген келбетін таны. Құлашын жайып, шалқығанда тылсым дауысын – ырғақты әуенін есті. 

Көктуды көтергенде Азаттық – Тәуелсіздік, Мемлекеттік қолыңда екенін біл; соншама бақыттың уысыңда тұрғанын түйсін! Әлемдегі үлкен xалықтармен тең – мемлекет құрушы ұлт екеніңді, Ұлан байтақ Отаның барын сезін!

Қанатты пырақ, алтын шаңырақты Елтаңбаңа тамсан, тамыры терең тариxыңның, жасампаз бабаларыңның жалғасы екеніңді жадыңда тұт!

Оң қолыңа жүрегіңді алып, Әнұранды шырқа, оған намазға тұрған тақуадан әрмен ұйы, ақыннан арман тебірен!

Қазақтығыңды-азаттығыңды сүйгің келсе Көктуыңды сүй, маңдайыңа бас. Көзіңе келген бақыттың жасы туыңа тамсын.

Рәміз Мемлекеттің келбеті, дауысы, тариxы – ұлттың АЗАТ РУXЫ! 

Мереке құтты болсын, АЗАТ ҚАЗАҚ!