Оқыту үдерісін бақылауда GoogleDisk-те деректер базасының тиімділігі

Тілдерді оқыту орталығы 2018 жылдан бастап GoogleDisk форматында жұмыс жасауды қолға алған болатын. 2020 жылы қашықтан оқыту мәселесі сөз болғаннан бері Қызылорда облысының тілдерді оқыту орталығы да дер кезінде шешім қабылдап, оқытуды  сандық жүйеге көшірді. Қашықтан оқыту кезінде оқыту процесін бақылап отыру мақсатында  орталық порталымен қатар GoogleDisk форматында жасалған оқытуды бақылау журналы  жұмыс жасап келеді. Мемлекеттік, орыс және ағылшын тілі бойынша оқытушылардың сабаққа ену, тыңдаушылардың кері байланыстары фото, видео түрінде және жазбаша жауаптары салынады. Сондай-ақ әр оқытушының электронды поштасы арқылы журналдың толтырылу барысын қадағалап отыру ыңғайлы. Қамтылған тыңдаушылардың құрамы туралы ақпарат алуға болады. Күнделікті сабақтарды салып отыру мүмкін болмағандықтан, аптасына бір рет жинақтап отыру мақсаты көзделген. 

Сондай-ақ, қашықтан оқыту жұмыстарының бір бөлігі - онлайн диктантар. Ұлттық домбыра күніне арналған «Қос ішек» онлайн диктант ұйымдастырылды. Мақсаты – тыңдаушылардың жазылым қабілетін дамыту, ұлтық құндылықтарды насихаттау. Диктант арнайы чатқа салынып, сілтеме арқылы смартфонда жазылады. Жазылым аяқталған соң «отправит» батырмасын басады. Сол кезде диктант жазушының  жұмысы орталық порталынан көрінеді.  Одан кейінгі диктант ZOOM платформасында орындалады. 6 шілде – Елорда күніне арналған «Еңсесі биік Елорда» тақырыбында облыстық онлайн диктант өтті. Диктантқа облыстық басқармалардан 100 мемлкеттік қызметші қатысып, жалпы сауаттылық 54% -ды құрады. Диктанталды жұмыс ретінде жағымды көңіл-күй қалыптастыру мақсатында «Әуенді сауалнама» ұйымдастырылды. Орталықтың басты мақсаты ретінде оқытуды жүйелі әрі сапалы жүргізу бағытында жасалған жұмыстарды одан әрі дамыту жоспары тұр. 

Сөзімді ұлт ұстазы, тіл білімінің атасы А.Байтұрсыновтың: Біздің заманымыз – жазу заманы, жазу мен сөйлесу ауызбен сөйлесуден артық дәрежеге жеткен заман» деген орамды ойымен қорытындылағым келеді.