Өңірлік тіл мамандары проблемаларды бірлесе шешуге уағдаласты

Қазақстан Республикасында тіл саясатын іске асыру бойынша нормативтік-құқықтық актілердің орындалуына әдістемелік көмек көрсету бойынша онлайн-жиын өтті. Елімізде тіл саясатын тиімді жүргізу Тілдерді қолдану мен дамытудың 2011-2019 жылдарға арналған мемлекеттік бағдарламасын бағалау қорытындысы, жаңа 2020-2025 жылдарға арналған мемлекеттік бағдарламаны тиімді жүзеге асыру бағыты нақтыланып, өңірлермен байланыстарды оңтайландыру жұмыстары анықталды. 
Тіл комитеті өткізген  тіл жанашырларының қатысуымен «Тіл тұтастығы- ел тұтастығы» конференцияда Президент аппарты әкімшілігінің өкілі, Парламент депутатарының, Бас  прокуратура және өзгеде  құзырлы органдар мен   «Тіл қорғандары»  еріктілер онлайн жұмыс тобының жұмысы жандана түсті. 
Қазіргі уақытта онлайн-топтың жұмысы «Ватсап», «Инстаграм», «Фейсбук» әлеуметтік желілерде белсенді жүзеге асуда.    «Қазақстан халық банкі» АҚ, «Kaspi Bank» АҚ-на қатысты шағымдар қарастырылып, банктермен тікелей жұмыстар жүргізілді. Ескертулер назарға алынып, қателерді түзетуге уәделерін берді. Жұмыс Қостанай, Қарағанды облыстары және Нұр-Сұлтан, Шымкент қалаларында да жаңа лепке ие болды. Басты мақсат өңірлердегі тіл жанашырларымен жұмысты  жандандыру, тіліміздің барлық салада үстемдік құруына жол ашу.
Тіл саясаты комитетінің төрағасы Әділбек Қаба: «Мемлекет басшысының  мемлекеттік тілді ұлтаралық қатынас тіліне айналдыру  идеясын қолдайтын өңірлердегі әрбір азамат мүше бола алатын тіл жанашырының мақсаты тілге қатысты жарнама мен көрнекі ақпараттарда қате жазылса, басқа да заңбұзушылықтар болса суретке, видеоға түсіріп, өңірлердегі тіл басқармалары мен  құзіретті мекемелерге ұсыну, Заң шеңберінен шықпау, ешкімнің құқын бұзбау, ешкімнің ар намысына тимеу, мәдениеттілік таныту басты мақсат» деп атап көрсетті.
Қазақстан Республикасында тіл саясатын іске асырудың 2020 – 2025 жылдарға арналған мемлекеттік бағдарламасының орындалуына әдістемелік көмектің маңыздылығы күн тәртібінен түскен емес. Тіл саясаты комитеті басқармасының басшысы Амангелді Қожабек түйінді жұмыстарға нақты тоқталды   
Сондай-ақ Өңірлердің өзара тәжірибе алмасу мақсатында Алматы және Қарағанды облыстарының көрнекі ақпарат тілін біріздендіру бағытында атқарып жатқан жұмыстары қаралып, осындай шараларды басқа да өңірлерде іске асыру тетіктері жүйеленді. 
Тіл саясаты комитетінің Лингвистикалық жұмыстар басқармасының бас сарапшысы Елерке Төрехан: «Министрлік жергілікті атқарушы органдармен тығыз байланыс орната отырып, еліміздің ономастикалық атауларына талдау жұмыстарын жүргізіп отырады.  Тәуелсіздік алған жылдардан бүгінгі күнге дейін 3000-ға жуық елді мекен, 20 мыңға жуық құрамдас бөліктердің атаулары өзгертілді» деді.
Шарада барысында өңірлік тіл мамандары Комитет төрағасына сұрақтарын қойып, қалыптасқан проблемалы мәселелерді тиімді әрі бірлесе шешуге уағдаласты.