Ақын Ағаділ өліміне өлеңмен үн қатты

АҚ-ӘДІЛ

НҰР-СҰЛТАНДА

Бүгін болған бір өлім.

Шайлықтырды ОТАНЫМНЫҢ ЖҮРЕГІН.

Сен қаласаң иығымда, міне бас!

Мұңлық ОТАН,

Саған ғана құл едім.

Ол-Ақәділ.

Айтқаны да ақ, әділ.

Арпалыстың атауы ма жаңа бұл?!

Елемедік жан айғайды кеше біз.

Сені кеше танымадық "Жаман ұл"!

Сен-ақ айттың сол шындықты жай ғана.

Бәрі куә - көрші-көлем, айнала.

Сол үшін-ақ бас жарылып, қол сынып,

Сол үшін-ақ кісі өле ме қаймана?!

Шымбайына батқан сәтте шыншыл сын,

Шыңды шалғы қиып түскен қыршынсың.

Тоңы қалың топырағы Арқаның.

Тоң топырақтан мен де салдым бір шымшым.

Ерлік, рух, бәрі бүгін өзіңсің!

Шыдай-шыдай шарт үзілген төзімсің.

Ақ тәніңе ауыр топырақ бастырдық,

Сен тыныштал!

Халқың тағы көз ілсін!

НҰР-СҰЛТАНДА.

Бүгін болған бір өлім

Шайлықтырды Отанымның жүрегін!

Ақын Алмас Ахметбекұлының парақшасынан алынды