Әлеуметтік желі жасөспірімдерге қалай әсер етеді?

Ұлттық денсаулық сақтау орталығының маманы Шынар Абдрахманова зерттеу жүргізіп, әлеуметтік желілердің жасөспірімдерге қалай әсер ететінін анықтады.

Сауалнамаға 11-15 жас аралығындағы қазақ оқушылары қатысты. Олардың 30% -ы достарымен, туыстарымен, таныстарымен  қарым-қатынас жасау үшін әлеуметтік желіні қарқынды пайдаланады екен.

Бұл көрсеткіш салыстырмалы түрде төмен, дегенмен болашақта бұл өсім көбейеді, сондықтан шаралар қабылдап, жағдайды  бақылауда ұстау қажет, дейді зерттеуші.

Жасөспірімдердің 33% пайызы бетпе-бет кездескеннен гөрі өздерінің құпиялары, ішкі сезімдері жайлы интернет әлемінде айтқысы келеді. Олар кәдімгі бетпе-бет сөйлесуден гөрі ғаламтор арқылы сөйлесуді жөн санайды.

«Интернет байланысы жасөспірімдер үшін қолайлы, егерде ол өзі таныс адамдармен хабар алмасса, бірақ белгісіз немесе анонимді адамдармен сөйлесу қауіп тудырады. Әлеуметтік медиа мен Интернеттің әсеріне байланысты факторларды қосымша зерттеу қажет, өйткені «онлайн-белсенділік» жасөспірімдердің өмірі және денсаулығымен тығыз байланысты », - делінген хабарламада.