Қазақстанда жаңа кеңес құрылды
Қазақстан Республикасының премьер-министрі Асқар Маминнің төрағалық етуімен елімізде жаңадан құрылған Көлік қозғалысы кеңесінің алғашқы отырысы өтті.
«Транзиттік-көліктік потенциалды арттыру мәселесі еліміздегі күн тәртібінде тұрған мәселелер қатарында. Көлік өндірісі Қазақстанның экономикалық өсуінің қозғалтқышы іспетті. Осы мәселелерге қатысты Көлік қозғалысы кеңесі құрылды», - деді Асқар Мамин.
Үкімет басшысының айтуынша, транспорт секторы ЖІӨ-нің 8,2 пайызын құрайды. Ал 2019 жылдың қорытындысы бойынша өндірістің өсімі 5,1 пайызды құрап, 640 мың адам жұмыспен қамтылған.
Жаңа кеңес елдің транспорт өндірісі мен транзит потенциалының ахуалын қадағалап, күрмеуі қиын мәселелерді шешу бағытында жұмыс жасамақ.
Кеңес құрамына транспорт ісіне қатысы бар мемлекеттік және ірі жеке компаниялардың басшылары кірді.