Алматыда салық қызметкерлері күдікке ілінді
Алматы қаласының салық қызметкерлері тұрмыстық жемқорлыққа қатысы болуы мүмкін деген күдік нысанасына ілікті. Медеу ауданының мемлекеттік кірістер басқармасының бірқатар қызметкерлері жүйелі түрде пара алған болуы мүмкін. Бұл туралы Сыбайлас жемқорлыққа қарсы күрес қызметі мәлімдеді.
Жемқорлыққ қарсы күрес қызметінің қызметкерлері Алматы қаласы, Медеу ауданының Мемлекеттік кірістер басқармасының «Заңды тұлғаларды, жеке кәсіпкерлерді қабылдау және ақпараттандыру, салық тізіміне тіркеу» бөлімінің басшысына қатысты сотқа дейінгі тергеп-тексеру жұмысын бастады.
«Олар жеке кәсіпкерлерден ЖК-ның шотын бұғаттан шығарып беру, әкімшілік жауапкершілікке тартпау сияқты қызметтері үшін 30-40 мың теңге пара алып отырған. Кінәлілердің жазасын сот тағайындайды», - деді ведомства баспасөз орталығы.