Атамқұлов көмір тапшылығы қолдан жасалып жатқанын айтты
ҚР Индустрия және инфрақұрылымдық даму министрі Бейбіт Атамқұлов өңірлерге көмір жеткізу жоспары артығымен орындалып, Қазақстанда көмір тапшылығы жасанды түрде туындағанын мәлімдеді.
Өңірлердің сұранысы бойынша көмірдің 94 пайызы жөнелтілгенін айтқан Атамқұлов толқу азаматтардың сұранысынан туындауы мүмкін екенін жеткізді.
Біз жалпы көлемнің 27 пайызын және көмірдің екі түрін экспорттаймыз – металлургиялық өңдеуге арналған жоғары агломерациялық көмір және күлділігі 38 пайыздан жоғары энергетикалық компанияларға арналған көмір» деді Атамқұлов.
Бүгін біз өткен жылдың қазан айымен салыстырғанда жоспарды артығымен орындадық. Жасалған толқу. Тапшылық жасанды. Бізде жөнелтілім тұрақты, карьерлерде артығымен орындап жатырмыз. Ірі жеткізушілермен меморандумға қол қойдық, - деп сендірді министр.
Министр бұл мәселені бағасы бекітілген тұйық жолдарды көбейту арқылы шешуге болатынын түсіндірді.