Ақтоты Райымқұлова: Ұлытауда «Жошы хан» тарихи-мәдени кешені ашылады
Қарағанды облысының Ұлытау ауданында Жошы хан тарихи-мәдени кешені ашылады. Бұл туралы ҚР Мәдениет және спорт министрі Ақтоты Райымқұлова Орталық коммуникациялар брифингінде мәлімдеді. Министрдің айтуынша, бұл кешен туристік қызғушылықты арттырады.
«Киелі туризмді дамытуды ынталандыру және тарихи-мәдени объектілерге туристік қызығушылықты арттыру мақсатында, ағымдағы жылдың маусым айының соңына қарай Қарағанды облысының Ұлытау ауданында Жошы хан тарихи-мәдени кешенін ашу және шілде айында ШҚО-да «Абай жолымен» атты ақпараттық турін өткізу жоспарланып отыр.
Ішкі туризмді дамыту үшін шілде айында Павлодар облысының туристік әлеуетін көрсететін «туризм Павлодар 2021» көрмесі, Алматы қаласында жүзуден халықаралық чемпионаты ұйымдастырылады. Сонымен қатар, тәуелсіздіктің 30 жылдығына орай Қазақстанның қолданыстағы туристік өнімдерінің тізімін қалыптастыру мақсатында елдің бірегей тарихи-мәдени және табиғи көрікті жерлерін қамтитын 30 жаңа трансұлтық және өңірлік туристік өнімдерді әзірлеу бойынша арнайы жоба іске асырылады», - деді ҚР Мәдениет және спорт министрі Ақтоты Райымқұлова.
Сурет: elarna.net