Татарстанда 12 мамыр қаралы күн деп жарияланды

Татарстан президенті Рустам Минниханов бүгін, мектептегі атысқа байланысты мамырдың 12-сін қаралы күн деп жариялады. Қазір Қазан қаласында контр террористік операциялар режимі орнаған. Білім беру мекемелерінің барлығында, қауіпсіздік шаралары күшейтілді.

«Лаңкес қолға түсті. Тергеу жұмыстары жүріп жатыр. Жапа шеккендерге қолдан келген көмектің барылығы көрсетіледі. Бұл біздің республика үшін мемлекетіміз үшін үлкен қайғы», - деді Татарстан Президенті.   

Мектепке шабуыл жасаған адам дәл осы мектептің түлегі Ильназ Галявиев есімді 19 жастағы жасөспірім болып шықты. Қазір Қазандағы университеттердің бірінде 4-курста оқиды.  Елдегі жағдайға байланысты Ресейдің төтенше жағдайлар министрлігінің ұшағы Қазан қаласына ұшып шықты. Оның бортында атыстан зардап шеккендерге көмек көрсететін дәрігерлер мен психологтар бар.