Дипломаттың келіншегі Тоқаевқа видеоүндеу жасады
Қазақстандық әйел ҚР президенті Қасым-Жомарт Тоқаевқа Египеттегі Қазақстан елшілігінің қызметкері Еламан Жолдасовтың өлімі туралы айтып, видеоүндеу жариялады.
Марқұмның жесірі президенттен, Бас прокурордан, ІІМ министрінен, СІМ министрінен көмек сұрады.
Оның айтуынша, күйеуі қайтыс боларынан біршама уақыт бұрын елшіліктен пиар-шараларды өткізуге ақша алған екен. Осы ақша оны өлтіруге себеп болған сияқты. Бірақ ол өзімен бірге ақша алып жүрмеген.
Сондай-ақ, дипломаттың әйелі күйеуінің түнде үйде болмағанын және қоңырауға жауап бермегенін айтады. Ал таңертең оны өлі күйінде көрген.
«Оның басы лифт жаққа қарап жатты. Ұйықтап жатқан адам сияқты. Күйеуіме қарай жүгіргенімде үлкен ұлым да қатар ұмтылды. Оған есікті жап дедім. Бірақ біз оны қайтыс болды деп ойламадық. Ұлым интернеттен алғашқы медициналық көмек көрсету туралы іздей бастаған», - дейді ол.
Дипломаттың келіншегі күйеуі өзіне қол салды дегенге сенер емес. Қазір ол екі баласымен бірге Каир қаласында.