Ғылым қорының бұрынғы төрағасы сотталды

Сыбайлас жемқорлыққа қарсы қызмет ҚР Білім және ғылым министрлігіне қарасы «Ғылым қор» акционерлік қоғамының бұрынғы басшысы А. Сұлтанғазинге қатысты сотқа дейінгі тергеуді аяқтады. Айта кетелік, экс-төраға сыбайлас жемқорлыққа қатысы бар деген күдікпен ұсталған еді. 

А. Сұлтанғазин Қарағанды мемлекеттік университетінің ректоры А.Т. Едрисовтан Білім және ғылым министрімен жеке кездесу ұйымдастырып беремін деп 5 мың АҚШ доллары көлемінде пара алған. 

18-желтоқсан күні Нұр-Сұлтан қаласының Алматы ауданындағы №2 аудандық соты Сұлтанғазинді кінәлі деп тауып, 57 миллион теңге көлемінде айыппұл салды. Сондай-ақ, ол мемлекеттік мекемелерде жұмыс істеу құқығынан өмір бойына айырылды.