Кері қайту
Басып шығару
Депутат Ермахан Ибраимов жаңа қызметке тағайындалды
Алматы қаласы мәслихатының депутаты Ермахан Ибраимов жаңа қызметке тағайындалды. 2000 жылғы Сидней Олимпиадасының чемпионы, Олимпиадалық даярлау орталығының директоры Ермахан Ибраимов чемпиондар мен ардагерлер мәселелері жөніндегі комиссияның мүшесі болды. Бұл туралы Қазақстан бокс федерациясының баспасөз қызметі хабарлады.
Сонымен қатар, Қазақстан бокс федерациясының менеджері Мейрам Нұртазин жарыстарды өткізу мәселелері жөніндегі комиссияның құрамына кірді.
«Жаңадан тағайындалған қазақстандықтарға хаттарды AIBA президенті Омар Кремлев жіберді. Өзінің жолдауында олардың білімі мен тәжірибесі ұйымның дамуына үлес қосатынына сенім білдірді», - делінген хабарламада.