117 мың теңге: Министр студенттердің шәкіртақысы өсетінін айтты
Үкімет отырысында 2025 жылға қарай студенттердің шәкіртақысы екі есеге өсетіні айтылды.
«Биылғы оқу жылында студенттердің шәкіртақысы 25 пайызға, докторанттарға 83 пайызға өсті. 2025 жылға дейін студенттердің шәкіртақысы тағы екі еселенеді, магистранттар мен докторанттарға - 1,5 есе артады», - деді білім және ғылым министрі.
Егер 2020 жылы бакалаврларға арналған шәкіртақы айына 26 186 теңгені құраса, 2025 жылы ол 52 372 теңгеге дейін өседі. Магистранттар үшін шәкіртақы 66913-тен 117 098 теңгеге, докторанттар үшін 150-ден 262 мың теңгеге дейін өседі.
«Жоғары білім қол жетімді болу үшін гранттар саны 2025 жылға дейін 50 пайызға артады. Гранттар тек сұранысқа ие бағыттарға бөлінеді. Гранттардың әртүрлі түрлері енгізіледі», - деді Аймағамбетов.
Фото: newsroom.kz