Зейнетақы жинақтарының бөлігін туыстарға табыстау жолы айтылды

«Отбасы банктің» баспасөз қызметі www.enpf-otbasy.kz онлайн платформаcында біржолғы зейнетақы төлемдерін жақын туысқа табыстау тәсілі бойынша нұсқаулық дайындады.

Зейнетақы жинақтарының жеткіліктілік шегінен асқан бөлігін табыстауды жоспарламас бұрын, алдымен Отбасы банкінде арнайы шот ашу қажет. Шотты қаражатты табыстаушыға да, қабылдаушыға да ашу қажет.
Зейнетақы жинақтары тек жақын туыстар арасында табысталады.

Оларға келесі қарым қатынастағы туыстар жатады:
ерлі-зайыптылар;
- ата-аналар;
- балалар;
- бала асырап алушылар/ - асырап алынғандар;
туған немесе әкелері/аналары бөлек аға-інілер мен әпке-сіңілілер;
- аталар/әжелер.