Кері қайту
Басып шығару
Мейрамбек Беспаев коронавирус жұқтырып, ауруханаға түсті
Қазақстанның еңбек сіңірген қайраткері, «Дарын» мемлекеттік жастар сыйлығының иегері, әнші Мейрамбек Беспаев коронавирус жұқтырды.
«Иә, кеше түстен кейін жедел жәрдем шақырылды. Ол өзін жаман сезінген. Алдымен пневмония деді, содан кейін олар коронавирус жұқтырғанын айтты», - деді MuzART тобының директоры Ерлан Жүнісбай.
Топ директорының айтуынша, қазір Мейрамбек Беспаев өзін жақсы сезінеді.
«Кеше мен онымен сөйлестім. Ол өзі бұл ауруға сенбегендігін айтады. Қалқамандағы No7 аурухананың дәрігерлеріне алғыс айтты. Қазақстандықтардан бұл аурудың қаншалықты қауіпті екенін түсінуді, үйде отырып, қонаққа бармауын сұрайды», - деді Жүнісбай.