Ринат Зайытовты қай партия пайдаланбақшы болды?

"Қатарына алғысы келгендер болды, бірақ олар менің дегеніме көнгісі келмеді. Бірінші ЖСДП мен келіссөз болды. Adal партиясынан да ұсыныстар болды. Бірден айттым, егер мен сіздерге жұмыс істеп берсін десеңіздер, онда мені партияның үштік тізіміне кіргізесіңдер дедім. Мен сендерге кемінде 11%-дық аудитория жинап беремін. Бірақ мен өзім ғана бару керекпін дедім. Себебі, сенетін адам тапқан жоқпын. Ақыры беделіңді салып халық шақырдың ба, онда өзің ғана жауап беретіндей болуың керек. Оған көнбегеннен кейін, аман болыңдар, сайлауларың өздеріңе дедім", - деді ақын.

"Мен бақылаушылар жағында болуға тырысамын. Себебі, бақылаушыларға өзімді қарыздармын деп есептеймін. Бақылаушылар мектебі менің саяси мектебім болды. Сондықтан бақылаушыларға сеніммен қараймын. Бақылаушылар сайлаудың қозғаушы күші", - деді Ринат Зайытов.

"Билік бәрінен қорқады қазір. Саясаткерді былай қойып, 15 жасар бала "мен билікке қарсымын" десе, ертеңіне сол баланың ит-рәсуасын шығарады. Билік жарымжан, ақылы кем адам шықса да қорқады. Себебі, көп қылмыс жасаған адам, көбірек қорқады" - деді Ринат.