Кері қайту
Басып шығару
Назарбаев: Сатқындықты ешқашан кешірмеймін
Елбасының баспасөз хатшысы өзінің Twitter-дегі ресми аккаунтында «Портреттің штрихтары» деректі фильмінің бірінші сериясының жаңа трейлерін жариялады.
Айдос Үкібайдың айтуынша, ертең «Хабар» телеарнасының эфирінде сағат 21: 40-та «Портреттің штрихтары» деректі фильмінің бірінші сериясының премьерасы болады.
"Бір адамға 100 пайыз сенім артып, жақын тартасың, ал ол болса сенің арқаңнан таспен ұрады. Бұл - өте жиіркенішті. Сатқындықты ешқашан кешірмеймін... Мен тіпті туыстарыма да қатал болдым", - деді Нұрсұлтан Назарбаев фильмнің үзіндісінде.
Фильмнің режиссері журналист Айгүл Әділова екені белгілі болды. Картина Елбасының баспасөз қызметі мен Нұрсұлтан Назарбаев қорының қолдауымен түсірілген.