Кері қайту
Басып шығару
Асқар Мамин: Оффлайн оқуға оралу мәселелері пысықталуда
Үкімет оффлайн оқуға оралу мәселелерімен айналысуда. Бұл туралы Қазақстан Республикасының Премьер-Министрі Асқар Мамин айтты.
«Мемлекет басшысының тапсырмасы бойынша қазіргі уақытта тиісті мемлекеттік органдар дәстүрлі күндізгі оқытуға оралу мәселелерімен айналысуда», - деп жазды Асқар Мамин депутаттық сауалға берген жауабында.
«Бүгінгі таңда мектептерде 3,4 миллион бала оқиды (оның ішінде 2 613 428 - қашықтықтан, 252 343 - штаттық режимдегі мектептерде, 546 776 - кезекші сыныптарда). Сонымен қатар, қашықтықтан оқыту форматын түсіндіру бойынша ата-аналар жұмыс ұйымдастырылды. Атап айтқанда, 20 тамызда және 17 қыркүйекте жалпыұлттық бірыңғай ата-аналар жиналысы, 21 тамызда жалпыұлттық бірыңғай сынып сағаты өткізілді. Білім беру процесінің қауіпсіздігін қамтамасыз ету үшін Денсаулық сақтау министрлігі 1-санитарлық ережелерді әзірледі және бекітті», - деп атап өтті Премьер-Министр.