Кері қайту
Басып шығару
СҚО: Бір тәулікте құс тұмауынан 180 000 тауық қырылды
Солтүстік Қазақстан облысындағы құс фабрикаларының бірінде бір тәулікте тауықтардың жартысынан көбі өлді.
«Бүгін жұмыртқалайтын тауықтардың жартысынан азы қалды. Кеше кешке 180 мыңнан астамы өлді, бүгін тағы 30-40 мыңы өледі деп күтіп отырмыз. Іс жүзінде қаздардың тұқымы қалмаған. Бірнеше күннің ішінде ондаған мың құс қырылды. Біз бір нәрсе ғана істей аламыз: инфекция таралмас үшін шұңқырларды қазамыз, өртейміз», - деді құс фабрикасының технологы Татьяна Костенко Ауыл шаруашылығы вице-министрі Гүлмира Исаева бастаған арнайы жұмыс тобының кәсіпорнын аралау кезінде.
«Біз бұл індеттің Солтүстік Қазақстанмен шекаралас аумақтарда таралып жатқанын білгенде, үйректердің аналық тұқымдарына вакциналардың бар мөлшерін беру туралы шешім қабылдадық, өйткені тауықтарға арналған вакцина жеткіліксіз болатын. Біз бүгінде үйректерді құтқаруға күш салып жатырмыз. Олар аман қалады деп сенеміз» , - деп түсіндірді технолог.
Ол құс тұмауына қарсы вакцинаның 1 мың дозасы орта есеппен 50 мың теңге тұратындығын түсіндірді. Бірақ құс фабрикалары субсидия алмағандықтан, мұндай қымбат вакцинация үшін кәсіпорында қосымша қаражат жоқ.
«Келесі көктемде не болатынын елестету қорқынышты. Кейбір тауықтар тірі қалса да, түгелдей жою керек болады, өйткені ол құс тұмауының тасымалдаушысы болып табылады. Мүмкін біз аймақтағы барлық құс фабрикаларының қызметін тоқтату туралы айтып отырған шығармыз. Трагедия басталды: құс фабрикасында 170 адам жұмыс істейді, демек, 170 отбасы қыстың алдында жұмыссыз қалу қаупі бар », - деді Татьяна Костенко.
Гүлмира Исаева өз кезегінде вакцинация диагноз қойылған сәттен басталатынын атап өтті.