Кері қайту
Басып шығару
Министр Мусин: 4G мен 5G антенналары қауіпсіз
ҚР Цифрлық даму, инновациялар және аэроғарыш өнеркәсібі министрі Бағдат Мусин 4G мен 5G антенналарының радиотолқыны пештен жоғары емес екенін жеткізді.
«Адамдардың бұл антенналарды орнатуға қарсы шықпағаны маңызды. Бұл антенналардың радиотолқыны шағын толқынды пешпен шамалас. Көпшілік осы антенналардан радиотолқын тарайды деп реніш білдіреді. Бұл шындыққа жанаспайды. Барша қазақстандықтарға қауіпсіздік нормалары сақтала отырып жоба жүзеге асырылатынын айтамын. Интернет мәселесі бар екенін мойындаймыз, бірақ инфраструктуралық мәселелер бір күнде шешілмейтіні анық», - деді ол.
Министрдің айтуынша, интернет мәселесі бір жыл ішінде шешілмейді. Есесіне қашық жерлерге 4G мен 5G антенналары орнатылады. Елімізде 6 459 ауыл болса, оның ішінде 4 646 ауыл түрлі жолдармен интернет пайдаланып отыр. «Үш жыл бұрын ауылдарға оптикалық кабель арқылы интернет жеткізу жобасы басталған. Бүгінде 1 250 ауылдың ішінде 1 071 ауыл интернетті пайдаланып отыр. Жыл соңына дейін жоба аяқталады. Оптика ауылдарға дейін жеткізіледі. Кейін оны көпшілік пайдалана бастаған соң жанына базалық станция қоямыз. Сол жерде 4G мен 5G антенналары орналасады. Бұл – интернетті қалыпты деңгейде ұстап тұру үшін қажет. Осындай жұмыстар толыққанды атқарылған кезде ғана сапалы интернетпен қамтамасыз еттік деп айта аламыз. Қалған уақытта операторлар байланыс сапасына кепілдік бере алмайды», - деді Мусин.