Кері қайту
Басып шығару
Тәулік рекорды жаңарды: Індеттің екінші толқыны басталғаны ма?
Коронавирус пандемиясы басталғалы 24 сағат ішінде инфекция жұқтырғандар санының рекордтық көрсеткіші 14-тамызда тіркелген еді. 14-тамыз күні 305 351 адам коронавирус жұқтырып, 10 135 адам қайтыс болған. Кеше 304 600-ге жуық адамның науқас екені анықталып, 5 637 адам дүниеден өткен.
Джонс Хопкинс университетінің мәліметтеріне сүйенсек, әлемде барлығы 26 739 782 адам инфекция жұқтырған. Оның ішінде АҚШ (6,2 миллион), Бразилия (4,09 миллион), Үндістан (4,02 миллион), Ресей (1,02 миллион), Перу (676,8 мың) сияқты елдердің үлес-салмағы басым.
Инфекция жұқтырғандардың ішінде 876 938 адам дүниеден өткен. Бұл жаһанда коронавирус індетінің қайта күш алғанының белгісі ме?