СҚО-да өрт салдарынан бүтін бір отбасы көз жұмды

Солтүстік Қазақстан облысында өрт шығып, бүтін бір отбасы қаза тапты. Қайғылы оқиға бүгін таңертең Ильинка ауылында болған. 

Төтенше жағдайлар қызметінің мәліметінше, тілсіз жаудан жер үй түгел жанып, 4 адам тіл тартпай кетті. Оның біреуі 4 жастағы бала. Қазір тиісті сараптама тағайындалып, өрттің шығу себебі анықталып жатыр. Жалпы жыл басынан бері облыс бойынша 400 шақты өрт оқиғасы тіркелді.  

Нұрлан Атығаев, облыстық ТЖД басшысының орынбасары:

 - Ильинка ауылы мен аудан орталығының арасы 42 шақырым. Сондықтан жолға бір сағаттай уақыт кетті. Біз келгенше оқиға орнында жергілікті шаруашылықтың техникасы жұмыс істеп жатты. 

Өрт таңғы 5-тен 47 кеткенде сөндірілді. Өкінішке орай, үйде болған 4 адам қаза тапты.