Неліктен коронавирустық вакцина барлығына тегін болмайды?

Денсаулық сақтау министрлігінің ресми өкілі Бағдат Қожахметов коронавирустық вакцина Қазақстанның барлық азаматтары үшін неге тегін болмайтынын айтты.

«Неліктен күтілетін вакцинаны тек ауыр науқастар ғана алады? Бұл халықтың 10 пайызы, ал біз бар болғаны 19 миллион адамбыз», - деп сұрақ қойды журналист ОКҚ брифингінде.

Ол міндетті медициналық сақтандыру қоры есебінен азаматтарды вакцинациялауды ұсынды.

«Қазақстанда 2,2 миллион адамнан тұратын дәстүрлі ауыр науқастар тобы бар - бұл жүрек-қан тамырлары жүйесінің созылмалы аурулары бар адамдар, оның ішінде 65 жастан асқан азаматтар, қант диабеті және басқа да созылмалы аурулары бар адамдар. Бұл тізімге сау адамдар кіруі керек пе, білмеймін. Белгілі бір әлеуметтік ережелер мен заңдар бар», - деді Қожахметов.

Оның айтуынша, дені сау, жұмыс істейтін адам өзін қамтамасыз етуі керек.  Оның ішінде вакцина да бар.

 «Бұл менің жеке ұстанымым. Менің ойымша, біздің елдегі көптеген саналы азаматтар менің ұстанымдарыммен бөлісуі керек», - деді ол.