Көлгінов: Әр науқастың өмірі үшін соңына дейін күресу керек

Алтай Көлгінов емханаларда амбулаториялық емдеуді күшейтуді, пациенттерді бақылау аясында телемедицина құралдарын қолдануды және шұғыл көмек көрсетуді тиісті деңгейде жүргізуді тапсырды, - деп хабарлайды әкімдіктің баспасөз қызметі.

 Әкім емханалардың, ауруханалардың бас дәрігерлерімен және «Нұр-Сұлтан» санитарлық дәрігерімен онлайн-кездесу өткізді. 

«Бастапқы кезеңде қала тұрғындарына барлық қажетті медициналық көмек көрсету керек. Жұқпалы ауруханалардың дәрігерлері COVID-19-бен күресуде және емдеуде айтарлықтай тәжірибе жинады, олар кеңес беру, тәжірибе алмасу үшін телемедицинаны пайдаланады».

Сонымен қатар, ол пациенттермен кері байланысты күшейту қажет екенін мәлімдеді, өйткені карантин кезінде жоспарлы ауруханаға жатқызу уақытша тоқтатылды.

 «Қажет болса, ауруханаға жатқызыңыз. Шұғыл ауруханаға жатқызуды әр дәрігер қадағалап отыруы керек», - деді ол. Денсаулық сақтау министрлігімен және СК-Фармациямен бірге ауруханалар мен клиникаларды дәрі-дәрмектермен және қажетті медициналық жабдықтармен толықтыру жұмыстары жүргізіліп жатқанын атап өтті.

 Қала әкімі білікті медициналық көмек әр науқасқа жетуі керек, ауыр науқастар арнайы есепте тұруы керек - әр науқастың өмірі үшін соңына дейін күресу керек, деп қорытындылады.