ҚТЖ басшылығы бизнеске кедергі жасап, 1,5 млрд теңге залал келтірген

«Қазақстан темір жолы» ұлттық компаниясына қатысты іс қозғалды, деп хабарлайды ҚазАқпарат Бас көлік прокуратурасына сілтеме жасап.

Астана қаласы бойынша сыбайлас жемқорлыққа қарсы іс-қимыл мен Бас көлік прокуратурасы заңды кәсіпкерлік қызметке кедергі келтіру фактісі бойынша «Қазақстан темір жолы» ҰК» АҚ басшылығына қатысты сотқа дейінгі тергеп-тексеру бастады.

Арызға сәйкес, келген алдын ала залал - 1,5 млрд теңгеден астам.

Тергеу процесі прокурорлар тобының басшылығымен жүргізіліп жатыр. Тергеу мүддесі үшін өзге ақпарат жарияланбайды.