Отшашуға айыппұл: қандай тәртіппен және қанша АЕК?

  • 28 дек, 15:39
  • Көрілім: 281

Жаңа жыл мерекесі жақындаған сайын отшашулар науқаны жақындап келеді. Байқасаңыздар, сауда нүктелерінде жыл сайын түр-түрі самсап тұратын отшашулар биыл көрінбейді. Жаңа жыл қарсаңында отшашу қызықтаймын деп айыппұл арқалауыңыз да әбден мүмкін. Қалай?

Егер көршілер немесе жақын жердегі тұрғындар дүйсенбі-бейсенбі аралығында 22:00-ден кейін, жұма-жексенбі аралығында 23:00-ден кейін шағым түсірсе, тыныштық бұзғаны үшін отшашу ұйымдастырған азамат жауапқа тартылады. 

ҚР Әкімшілік Кодексінің 437-бабы бойынша тыныштық бұзған азаматқа 5 АЕК көлемінде айыппұл салынады. Ал бұл тәртіпке томпақ келетін әрекетпен айналысқан шағын бизнес нысандарына 20 АЕК көлемінде айыппұл төлеу міндеттеледі. 

Фейерверктерден отшашу жасаудың өзіндік бірқатар ережелері бар: 

- 50 метрге дейінгі радиуста тез тұтанатын заттардың болмауы; 
- пиротехниканың сертификаты мен жарамдылық мерзімінің дұрыс болуы; 
- фейерверкті тұтатқаннан кейін 15-20 метр қашық жерден тамашалау. 

Коронавирус пандемиясына байланысты жарияланған қатаң карантин кезінде келе жатқан жаңа жыл қарсаңында отшашу ұйымдастырып, опық жеп қалмаңыз.
Сондай-ақ оқыңыз

Пікір қалдыру