Аймағамбетов: Сатып алатын марапат – марапат емес

Елімізде мұғалімдерге берілетін жалған марапат көбейген. Ең сорақысы, жез темірден жасалған медальдарды ұстаздар қауымы керек кезде оңай сатып ала береді екен. Білім министрлігі мұғалімдерден арзанқол мадақ-марапаттардан ада болуды талап еткелі отыр.

"Сатып алатын марапат – марапат емес. Біз, әрине, түсінеміз. Кей уақытта да қоғамдық түрлі марапат болады. Бірақ олар ақылы болмауы керек. Қоғамдық марапат ақылы болатын болса оның еш қасиеті, құны жоқ. Біз мұндай мәселені түсіндіруіміз керек. Кейбір әріптестеріміз түсінбей, осындай нәрсеге барып жатыр", - дейді Білім және ғылым министрі Асхат Аймағамбеов. 

Белгісіз ұйымдардың белгісіз төрағалары қол қойып беретін марапаттар қатарында "Жыл мұғалімі", "Ұлт ұстазы", "Ыбырай Алтынсарин атындағы"және басқа да әртүрлі төсбелгілер бар. 

Министрдің ойынша, білім жарыстары тегін болу керек. 

"Барлық мектептерде өтетін ақылы конкурстар, ақылы олимпиадалар, жарыстар ақысыз болу керек. Ол түсінікті шығар?! Әрине, мұндай конкурстар мектептерде көп болуы керек, оны біз көбейтеміз. Егер де балалардың ата-аналары өзі қалап, үйінде болып, шешім қабылдап, әртүрлі ақылы немесе ақысыз болсын, қатысатын болса, біз ештеңе дей алмаймыз", - дейді министр. 

Дереккөз: КТК телеарнасы.
Басып шығару