09 июл 11:55korilim:1 554 Қоғам

Коронавирусқа қарсы қандай халық емін қолдануға тыйым салынады?

Дәрігерлер қазақстандық азаматтарды халық еміне сенбеуге шақырады. Қазір әлеуметтік желілер мен мессенджерлер арқылы қауіпті вирусқа қарсы түрлі халық емін қолдану туралы ақпарат кеңінен тарап жатыр.
Олар: тамақты содамен шаю, сарымсақ сөлі, шар үрлеу, спирттің буымен демалу және тағы басқалар.
Тамақ шаю
Тамақ шаю арқылы сода мен ыстық су жұтқыншақты күйдіруі ықтимал. Тіпті, шектен тыс ыстық бу жүрек-қан тамырлары мен қан қысымына кері әсерін тигізуі ғажап емес.
Сарымсақ сөлі
Асқазаны ауыратын адамдарға сарымсақты тұтыну қауіпті. Табиғи антисептик саналатын бұл көкөністі шектен тыс пайдалану арқылы бүйрек, ас қорыту жүйелерінің жұмысын бұзып алуыңыз мүмкін. Айта кетерлігі – дәрігерлер сарымсақтың коронавирусты жеңуге қауқарсыз екенін айтады.
Арақпен және спиртпен дезинфекция жасау
Алкоголь өнімін шектен тыс пайдалану иммунитетті түсіріп, коронавирус жұқтыру қаупін арттыра түседі. Сонымен қатар, жүрек-қан тамырларының жұмысында ақауы бар азаматтар алкоголь өнімдерін тұтына жүріп коронавирус жұқтырса, жағдай ушығып кетуі ғажап емес.
Шар үрлеу
Коронавирус жұқтырған азаматтар мұндай «өкпе жаттығуын» орындау арқылы жағдайын қиындатып алуы мүмкін. Өйткені, вирус түскен өкпе тігістері ауыр жаттығу кезінде жарақат алып, науқастың жағдайы нашарлап кетеді.
Дәрігерлер өкпеге күш түсіретін кез келген әрекеттен сақтануға кеңес береді. Өкпе тігістері жарақат алған сайын сіздің тыныс алуыңыз нашарлай бермек.
Хиджама
Қан шығару арқылы өмір-жасты ұзарту, қан қысымын түсіру – ғылыми дәлелденбеген нәрсе. Хиджама медициналық ем-домға жатпайды. Қан шығару арқылы сіз денедегі тепе-теңдікті, иммунитетті, жүрек жұмысын нашарлатып алуыңыз мүмкін. Ал балалар мен 65 жастан асқан егде азаматтарға дәрігерлер хиджаманы қолданбауға кеңес береді.
Антибиотиктерді шектен тыс қабылдау
Қазақстандықтар жөтел мен кішкене дене қызуы көтерілсе, антибиотиктерді уыстап ішуге әуес. Дәрігерлер жалпы протоколда бекітілген парацетомол мен ибупрофенді ғана өз мқлшерінде пайдалануға кеңес береді. Олардың айтуынша, адам организмі әр уақытта кез келген вируспен күрес жүргізеді.
Айта кетерлігі – антибиотиктерді көп қолданған адам ағзасының вирусқа қарсы жұмыс істейтін жүйесі зақымданып, кейін дәрі әсер етпейтін жағдайға жету қаупі бар.

Басып шығару