Біртанов: Сәуір басында коронавирустың таралуы шарықтайды

  • 24 мар, 22:08
  • Көрілім: 23 969


Қазақстанда коронавирус жұқтырғандардың саны сәуір айының басында шарықтайды. Бұл туралы ҚР Денсаулық сақтау министрі Елжан Біртанов мәлімдеді. 

«Біз инфекцияның асқынатын уақытын сәуір айының басына жоспарлаймыз. Өкінішке орай, мұның бәрі біздің қолымызда емес. Біз жасап отырған сақтық шаралары инфекцияның таралуын 50 пайызға қысқартады», - деді министр. 

«Сондықтан, тағы да бірқатар шараларды қолға аламыз. Карантин талаптарын қатаң сақтау керек. Кеше Президент сақтық шаралары арқылы ғана коронавирустың таралуын төмендете аламыз», - деп түйді Біртанов. 

Осы сағатта елімізде коронавирус жұқтырғандар саны 69 адамға жетті. Оның ізінде: 

Нұр-Сұлтан қаласында – 35 адам;

Алматы қаласында – 29 адам; 

Қарағанды қаласында 2 адам; 

Алматы облысында – 1 адам; 

Ақтөбе облысында – 1 адам; 

Шымкент қаласында – 1 адам.

Сондай-ақ оқыңыз

Пікір қалдыру